काठमाडौं । सन् २०२० मा नयाँ चलचित्र दर्शकसामु ल्याउने निर्देशक प्रदीप भट्टराइले बताएका छन् । ‘जात्रैजात्रा’ पछि नयाँ चलचित्रमा काम नगरेका प्रदीप यही वर्षभित्र नयाँ चलचित्र निर्देशनको तयारीमा जुटेका हुन् । 

केही महिना यता उनी स्क्रिप्ट लेखिरहेका छन् । “२०२० मा नयाँ चलचित्र रिलिज गर्ने योजना छ । अहिले आफ्नै चलचित्रको स्क्रिप्ट लेखिरहेको छु,” प्रदीप भन्छन् । 

सोसल ड्रामा लेखिरहेको उनेले बताए । चलचित्रको मेरुदण्ड नै स्क्रिप्ट भएकाले यसमा समय लगाउने तर सम्झौता नगर्ने उनको भनाइ छ । 

‘कमेडी च्याम्पिएन’का निर्णायकसमेत रहेका प्रदीपले यस अघि ‘जात्रा’, ‘जात्रै जात्रा’ र ‘शत्रु गते’ निर्देशन गरिसकेका छन् ।