दाङ । दाङका सबै सामुदायिक विद्यालयमा प्रारम्भीक कक्षा पढाइ कार्यक्रम लागु हुने भएको छ ।

कक्षा १ देखि ३ सम्मका अपाङ्गता भएका बालबालिकाहरुको पठन सीप सुधार गर्ने उद्देश्यले कार्यक्रम लागु गर्न थालिएको हो । अपांगता भएका विद्यार्थीहरुलाई गुणस्तरीय शिक्षणको माध्यमबाट अपाङ्गता भएका बालबालिकाहरुको पढाइ सीपमा सहयोग पुर्‍याउन उक्त कार्यक्रम लागु गर्न थालिएको हो ।

विभिन्न तहको संस्थागत तथा प्राविधिक क्षमता अभिवृद्धि गर्ने, विशेष अपांगता भएका बालबालिकाहरुका लागि तयार गरिएको समावेशी शिक्षणका विभिन्‍न नमुनाहरुको परीक्षण एवंम विस्तार गर्ने उद्देश्यले उक्त कार्यक्रम लागु गर्न लागिएको बताइएको छ ।

अबदेखि दाङका चारसय १९ वटा सामुदायीक विद्यालयहरुमा यो कार्यक्रम लागु हुनेछ । आधारभुत विद्यालय तीन सय २४ वटा , माध्यमिक विद्यालय ९५ वटा, स्रोत कक्षा सञ्‍चालन भएको ५ वटा विद्यालयमा उक्त कार्यक्रम कार्यान्वयन हुन लागेको हो ।

अपांगता भएका बालबालिकाहरुको कक्षामै प्रारम्भिक गर्न र पछिको अवस्था बिग्रिनबाट जोगाउन, पहिचान भएका बालबालिकाहरुको तथ्यांकहरु अध्यावधिक गरी योजना निर्माणका लागि सहयोग गर्न, उनीहरुको जीवनमा सकारात्मक परिवर्तन ल्याउन उक्त कार्यक्रम लागु गर्न लागिएको हो ।