काठमाडौं । चलचित्र ‘मारुनी’की निर्मात्री पुनम गौतमले भातीय चलचित्रहरुको मारमा नेपाली चलचित्र परेको बताएकी छन् ।  हिन्दी चलचित्र ‘साहो’ आफ्नो चलचित्र आसपासमा आउने भएपछि उनले यस्तो बताएकी हुन् । 

“मारुनीको रिलिज मिति तोक्दा अरु कुनै पनि चलचित्र थिएनन्,” आज ट्रेलर रिलिज कार्यक्रममा उनले भनिन्, “तर अहिले साहो जस्तो बलिउडको ठूलो चलचित्र र कबड्डी कबड्डी कबड्डी जस्तो ब्राण्ड हाम्रो चलचित्रसँग जुध्न आउँदा न मैले दिनलाई रात भने न रातलाई दिन । किनकी यी चलचित्रका कारण दर्शकले हाम्रो चलचित्रलाई देख्न पाउँदैनन् । । दर्शकले हाम्रो कामलाई देख्न पाउँदैनन् भन्ने मलाई डर थियो ।” 

बलिउड चलचित्र साहोका कारण अन्य चलचित्रले मिति हेरफेर गरेपनि मारुनी भने पूर्व निर्धारित मितिमै आउने उनेले बताइन् । 

“हामी जति हल पाउछौँ त्यतिमै चलाउँछौं । यसमा डराउने हराउनेभन्दा पनि आफ्नो काममा विश्वास राख्ने कुरा हुन्छ,” उनले भनिन् । उनले वितरकहरुलाई भारतीय चलचित्रका कारण नेपाली चलचित्रलाई चेपुवामा नपार्न आग्रह पनि गरिन् ।