दिया मिर्जाद्वारा वैवाहिक सम्बन्ध तोड्ने निर्णय

साहित्य

दिया मिर्जाद्वारा वैवाहिक सम्बन्ध तोड्ने निर्णय

बाह्रखरी शुक्रबार, साउन १७, २०७६

दिया मिर्जाद्वारा वैवाहिक सम्बन्ध तोड्ने निर्णय

मुम्बइ । बलिउड अभिनेत्री दिया मिर्जाले पति साहिल सांघासँग वैवाहिक सम्बन्ध तोड्ने निर्णय गरेकी छिन् ।

विवाह भएको पाँच वर्षपछि अभिनेत्री दिया र उनका पति साहिलले सामाजिक सञ्जालमा संयुक्त रुपमा आफूहरु सम्बन्धविच्छेद गर्न लागेको सन्देश लेखेका छन् ।

विगत ११ वर्षदेखि सम्बन्धमा रहेका दुबै जनाबीच विगत एक महिनादेखि सम्बन्ध चिसिन सुरु भएको भारतीय सञ्चार माध्यमहरुले जनाएका छन् ।

फिल्म छायांकनका दौरान अभिनेत्री दिया मोहित रैनासँग नजिकिएपछि पति–पत्नीबीच सम्बन्ध बिग्रिदै गएको बताइएको छ ।

दियाका पति साहिलको सम्बन्ध फिल्म ‘जजमेन्टल है क्या’ कि लेखिका कनिका ढिल्लनसँग रहेको पनि भारतीय सञ्चार माध्यमहरुले समाचार प्रकाशित गरेका छन् । भारतीय सञ्चार माध्यमहरुका अनुसार कनिकाको निर्देशक प्रकाश कोवेलामुडीसँग सम्बन्धविच्छेद भइसकेको छ ।