काठमाडौं । चिनियाँ आरोहीहरुको समूहले सगरमाथा आरोहण सुरु गरेका छन् । महामारीका कारण यसपटक विदेशी आरोहीहरुका लागि बन्द गरिएको भए पनि चिनियाँहरुले भने सगमाथा आरोहण सुरु गरेका छन् ।
चीन र नेपालको सीमामा रहेको विश्वकै सर्वोच्च शिखर सगरमाथामा नेपाल र चीन दुवैतर्फबाट आरोहण गर्न सकिन्छ । चीनतर्फ विदेशी पर्यटकलाई आरोहणमा प्रतिबन्ध लगाइएको छ भने नेपालतर्फ भने कोभिड-१९ का कारण सम्पूर्ण आरोहणहरु रद्द गरिएका छन् ।
तीन महिनाअघि चीनमा सुरु भएको कोभिड-१९ कारण ३३ सयभन्दा बढी चिनियाँहरुको मृत्यु भएको छ भने ८१ हजारभन्दा बढी संक्रमित भएका थिए । चीनले अहिले कोरोनाको तीव्र संक्रमण नियन्त्रणमा लिएको बताएको छ ।
करिब दुई दर्जन आरोहीहरु शुक्रबारसम्म सगरमाथाको एड्भान्स बेस क्याम्प अर्था करिब ६ हजार ४५० मिटरको उचाइमा पुगेको आरोहीको सम्पर्कमा रहेको चाइन-तिब्बत माउन्टेनेरिङ एसोसियसनले जनाएको छ ।
पर्वातारोही तथ्यांककर्ताले यदि अहिले सगरमाथा आरोहणमा गएकाहरु टाकुरामा पुगे भने चिनियाँहरु टाकुरामा पुगेको यो विरलै सफलता हुन्छ । "सन् १९६० मा एकजना चिनियाँ सगरमाथाको सफल आरोहण गरेका थिए," हिमालयन डाटाबेसका रिचार्ड सेल्सबरीलाई भने । -बीबीसी