राजनीति
काठमाडौं । दुर्घटनामा परेको पूर्वमुख्यसचिव माधव घिमिरे चढेको गाडीको खोजी गर्न र घाइतेको उद्धार गर्न प्रधानमन्त्री पुष्पकमल दाहालले निर्देशन दिएका छन् ।
पूर्वगृहमन्त्रीसमेत रहेका घिमिरेलगायत चढेको गाडी त्रिशूलीमा वेपत्ता भएलगत्तै माइक्रो ब्लगिङ साइट ट्विटरमा ट्विट गर्दै उनले घाइते र बेपत्ताको खोजी गर्न निर्देशन दिएका हुन् ।
“पूर्वमूख्यसचिव एवम् पूर्वमन्त्री माधव घिमिरे सवार कार दुर्घटना घटनाले स्तब्ध तुल्याएको छ, शीघ्र खोजीका लागि प्रशासनलाई निर्देशित गर्दछु,” उनले ट्विटमा भनेका छन् ।
पूर्व मुख्यसचिव माधव घिमिरे चढेको गाडी चितवनको दारेचोकस्थित घोप्टेभीरबाट गाडी त्रिशुलीमा खसेको थियो । जोमसोमबाट आउँदै गरेको बा ९ च १५३१ नम्बरको गाडीमा घिमिरे परिवारसहित रहेको बताइएको छ । एक जनाको उद्धार गरिएको छ भने बाँकी तीन जना बेपत्ता रहेको प्रहरीले जनाएको छ । पुर्व गृहमन्त्री घिमिरेसहित ३ जना बेपत्ता रहेको प्रहरीले जनाएको छ ।
पूर्व मूख्य सचिव एवं पूर्वमन्त्री माधव घिमिरे सवार कार दुर्घटना घटनाले स्तब्ध तुल्याएको छ, शिघ्र खोजीका लागि प्रशासनलाई निर्देशित गर्दछु।
— PM Puspakamal Dahal (@PM_Nepal) September 25, 2016
प्रकाशित मिति: आइतबार, असोज ९, २०७३ १८:३५
प्रतिक्रिया दिनुहोस्