बाह्रखरी
Ncell inner sticky
देश प्रतिक्रिया दिनुहोस्
Jagadamba Group
Jagadamba Group
चोरका आ–आफ्नै एरिया, अर्को एरियामा प्रवेश गरे झडप
KNP nepal
KNP nepal
डिल्ली पाण्डे
बाह्रखरी - डिल्ली पाण्डे सोमबार, असोज ३, २०७३
Laxmi Bank
Laxmi Bank
Duber nepal
Agani Group
काठमाडौं । गत साता मनमैजुमा चोरका दुई ग्याङबीच झडप थयो । अर्को एरियाका चोरले मनमैजुमा आएर चोरी गर्न खोजेछन् । त्यो कुरा मनमैजु क्षेत्रका चोरको ग्याङले थाहा पायो । त्यसपछि मनमैजुका चोरको ग्याङले अर्को एरियाका चोरहरूमाथि आक्रमण गर्यो । 
राति ११ बजे मनमैजुमा दुई समूहबीच झगडा भयो । खुकुरी र रड बोकेका दुई चोर समूहबीच करिब २० मिनेट लडाइँ चलेको खबर स्थानीयले प्रहरीलाई गरे । त्यसपछि मात्र अर्को एरियाका चोरहरू भागेका थिए । 
प्रहरीका अनुसार काठमाडौं उपत्यकामा तीन प्रकारका चोर छन् । उनीहरूको आ–आफ्नै एरिया हुन्छ, आ–आफ्नै ग्याङ हुन्छ  । 
नजिकिँदै गरेको दसैँ–तिहारको मौका छोपी चोरहरू सक्रिय हुन सक्ने भन्दै प्रहरीले चोरी हुने सम्भावित क्षेत्रमा विषेश सुरक्षा दस्ता परिचालन गरेको छ । 
“चाडपर्वका बेला सबै घर जाने चटारोमा हुन्छन् । किनमेलदेखि व्यवहार मिलाउन व्यस्त भएका बेला चोरले मौका छोप्ने गरेको विगत छ । त्यसैले हामीले चोरी हुने क्षेत्रलाई विषेश सुरक्षा निगरानीमा राखेका छौं,” महानगरीय प्रहरी परिसर काठमाडौंका प्रमुख एसएसपी विक्रम थापाले भने, “चोरहरूको आफ्नै भाषा हुन्छ । उनीहरू कोड भाषामा चल्छन् । आँखाको इसारामा चोरी गरिसकेका हुन्छन् ।” चोर समात्न प्रहरीले विभिन्न भेषमा सुरक्षाकर्मी परिचालन गरेको छ । प्रहरीका अनुसार काठमाडौंमा सक्रिय चोरको आ–आफ्नै एरिया हुन्छ । आफ्नो एरियामा अर्को चोर ग्याङलाई घुस्न दिँदैनन् । अनुसन्धान अधिकारीहरूका अनुसार चोरको ग्याङमा विवाद भए पनि त्यो कुरा प्रहरीमा नपुर्याउने उनीहरुको सहमति हुन्छ । काठमाडौंको बालाजु, माछापोखरी, वनस्थली, मनमैजु, कपन आदि अत्यधिक चोरी हुने क्षेत्र हुन् । 
चक्रपथबाहिरका धापासी, बूढानीलकण्ठ, आरुबारी, अत्तरखेल पनि बढी चोरी हुने क्षेत्रमा पर्छन् । लाजिम्पाट, ज्याठा, ठमेल, ढल्कु, रानीबारी र नयाँबजार क्षेत्र तथा कीर्तिपुरको पाँगा, नयाँबजार, ढल्पा, थापागाउँ, शान्तिनगर, मैतिदेवी, ज्ञानेश्वर, सेतोपुल, रातोपुल, ल्होत्से चोक, बाफल, गैरीगाउँ, डल्लु, कलंकी, बल्खु, कुलेश्वर, सुनारगाउँ, बाफल, सिनामंगल, गौरीघाट, बत्तीसपुली, सिफल, महाबौद्ध, न्युरोड, परोपकार र नरदेवी क्षेत्रमा भने थोरै मात्रामा चोरी हुने गरेको प्रहरीको तथ्यांक छ । 
महानगरीय प्रहरी परिसर काठमाडौं मुद्दा फाँटका डीएसपी रवीन्द्र रेग्मीका अनुसार गएको एक वर्षमा राजधानीमा करिब ५ सय चोरीका उजुरी प्रहरीमा परेका छन् । उनी भन्छन्, “काठमाडौंमा दैनिकजसो चोरीका घटना हुन्छन् । तर, त्यसमध्ये केहीमात्र प्रहरीमा आइपुग्छन् । सबै चोरीको तथ्यांक प्रहरीसँग हुँदैन ।” चोरले कमजोर सुरक्षा भएको घरमा चोरी गर्ने भएकाले सुरक्षामा सचेत हुनुपर्ने उनी बताउँछन् । 
प्रहरीका अनुसार फोहोर संकलन गर्ने तथा बोत्तल, कागज बटुल्नेसँग पनि सचेत हुनुपर्छ । एसएसपी थापा भन्छन्, “विभिन्न बहानामा चोरहरू घरको सुरक्षा कत्तिको छ, कसरी घर रित्तो पार्न सकिन्छ भन्ने सूचना लिन आएका हुन्छन् । यस्तो कुरामा ध्यान दिनुपर्छ ।”
 
Nepal Investment bank
Nepal Investment bank
सोमबार, असोज ३, २०७३ मा प्रकाशित
TATA Landing
TATA Landing
प्रतिक्रिया दिनुहोस्