काठमाडौं । बाँकेको जानकी गाउँपालिका–६, कोठारपुरमा कारको ठक्करबाट पैदलयात्री युवतीको मृत्यु भएको छ । अन्दाजी ३० वर्षीया युवतीको मृत्यु भएको हो ।

ठक्करबाट गम्भीर घाइते भएकी युवतीको उपचारका क्रममा नेपालगन्जस्थित भेरी अस्पतालमा मृत्यु भएको जनाइएको छ । मृतकको सनाखत हुन बाँकी छ ।

आज बिहान करिब ५ बजे बा४च १९७५ नम्बरको कारले युवतीलाई ठक्कर दिएको थियो । दुर्घटनालगत्तै फरार रहेका कार चालकको खोजी भइरहेको जिल्ला प्रहरी कार्यालय बाँकेले जनाएको छ ।