काठमाडौँ । प्रथम कमाण्ड सेनापति समन्वयात्मक बैठक २०७८ सम्पन्न भएको छ । जंगी अड्डास्थित सगरमाथा हलमा आयोजना भएको बैठकमा प्रधानसेनापति प्रभुराम शर्माले नेपाली सेनाको क्षमतामा अभिवृद्धिका साथै तालिम तथा कल्याणकारीमा जोड दिई उच्च मनोबलसहितको कटिबद्ध फौजनिर्माण गर्नुपर्ने बताएका छन् । 

उनले समापन कार्यक्रमलाई सम्बोधन गर्दै बैठकमा भएका प्रस्तुतिकरण र उठान भएका विषयवस्तुहरूमाथि प्राप्त भएका अमूल्य सुझावले सेनाको नीति निर्माण तथा भावी योजना तर्जुमा गर्न उपयुक्त दिशानिर्देश गर्ने विश्वास लिएको बताए ।

नियमित रूपमा सञ्चालन भएको उक्त बैठकमा सुरक्षासम्बन्धी विषयमा प्रस्तुतिकरण र गहन छलफल तथा आपसी अन्तरक्रिया भएको थियो ।