बाह्रखरी
भर्खरै
sticky  ncell
Samsung
coke
British college
Samsung
coke
British college
देश प्रतिक्रिया दिनुहोस्
Jagadamba Group
Jagadamba Group
अस्पतालमा छैनन् कोरोना संक्रमित, प्रदेश १ मा १५ जना मात्र सक्रिय संक्रमित दैनिक स्वाब परीक्षण जारी, वडा-वडामा खोप अभियान
Godraj friday
Godraj friday
कुमार लुइँटेल
बाह्रखरी - कुमार लुइँटेल आइतबार, फागुन २३, २०७७
Laxmi Bank
Laxmi Bank

विराटनगर । प्रदेश १ मा शनिबार १३३ जनामा भएको परीक्षणमा जम्मा एकजना पुरुषलाई कोरोना पुष्टि भएको छ । 
सामाजिक विकास मन्त्रालयको तथ्यांकअनुसार भोजपुरका ती पुरुषमा कोरोना पोजेटिभ रिपोर्ट आएको हो । बाँकी १३२ जनामा कोरोना देखिएन । शुक्रबार प्रदेशभर भएको परीक्षणमा पनि मोरङका एकजनामा कोरोना पुष्टि भएको थियो । प्रदेशभर हाल १५ जना मात्र सक्रिय संक्रमित छन् । ती सबै होम आइसोलेसनमा छन् ।

फागुन १६ गते जम्मा चारजनामा संक्रमण देखिएको थियो । भोलिपल्ट १७ गते २२४ जनाको नमुना परीक्षण गरिएकामा कसैमा पनि कोरोना देखिएन । फागुन १८ गते जम्मा २५० जनाको नमुना परीक्षण भएको थियो । जसमा एकजनामा संक्रमण पुष्टि भएको थियो । पछिल्लो तीन महिनामा जम्मा ३० जनामा कोरोना संक्रमण देखिएको थियो । संक्रमणको दर ओरालो लागेसँगै प्रदेशमा दैनिक जीवन चलायमान भइसकेको छ । पछिल्ला तथ्यांकले पनि कोभिडको संक्रमण न्यून हुँदै गएको देखिन्छ ।

Rohto Landing

Agani Group

खोप अभियानसमेत सुरु भइसकेको अवस्थामा कोरोनाको जोखिम विस्तारै कम हुँदै गएको कोसी अस्पताल आइसोलेसनका संयोजक डा. लक्ष्मीनारायण यादव बताउँछन् । उनले भने, “तर कोभिड पूरै सकिएको होइन । यो रुपमा हामीले बुझ्नु हुँदैन । जोखिम कायमै छ । स्वास्थ्य मापदण्ड अपनाउन हेलचेक्र्याईं गर्नु हुन्न ।” यादवले अहिले अस्पतालहरूमा समेत संक्रमितको संख्या शून्य अवस्थामा पुगेको जनाएका छन् ।

पछिल्लो दुई महिनायता प्रदेश १ का अस्पतालमा कोरोना संक्रमणबाट कसैको पनि मृत्यु भएको छैन । प्रदेशमा कोरोना अति उच्च विन्दुमा पुगेका बेला दैनिक एक हजार पाँच सय जनासम्ममा कोरोना पुष्टि भएको थियो । विराटनगरमा मात्र दैनिक चार सयजनामा कोरोना देखिन्थ्यो । औसत दुई जनासम्मको ज्यान जाने गरेको थियो । तर, अहिले संक्रमणदर न्यून भएको छ ।

sarbottam cement

प्रदेश १ मा हालसम्म ३० हजार २४० जनामा कोरोना देखिएको छ । तीमध्ये २९ हजार ७६० जना निको भएका छन् । कोरोना संक्रमणबाट जम्मा ४६५ जनाको मृत्यु भएको छ । प्रदेशमा २ लाख २४ हजार ८५० जनाको नमूना संकलन भई कोरोना परीक्षण भएको छ ।
 

विराटनगरमा नागरिक पहलमा कोरोना उपचारका लागि स्थपित नागरिक केयर सेन्टरका खाली बेड । अस्पतालमा कोरोना संक्रमितको संख्या शून्य छ । तस्बिर : बाह्रखरी

कोरोना उपचारका लागि प्रदेश सरकारले राजधानी विराटनगरमा कोसी कोभिड १९ उपचार केन्द्र संचालन गरेको छ । यसैगरी विराटनगर महानगरपालिकाको समन्वयमा उद्योगी, व्यापारी तथा नागरिक समाजको सहयोगमा नागरिक केयर सेन्टर पनि खोलिएको छ । तर, कोरोना संक्रमित नै नभएका कारण अस्पतालमा भर्ना भई कसैको पनि उपचार गरिएको छैन ।

अस्पताल निर्माणमा नेतृत्व लिएका विराटनगर महानगरपालिकाका मेयर भीम पराजुलीले भने, “अस्पतालमा बिरामी नहुनु खुसीको कुरा हो । कोरोनाले नागरिकस्तरमा पारेको दुस्प्रभाव निकै ठूलो छ । अब संक्रमण पूरै सकिएर जाओस् भन्ने सबैको कामना पनि छ ।” पराजुलीले कोरोनाकालमा महानगरले आफ्नै साधन-स्रोतले आइसोलेसनदेखि उपचार गर्न अस्पतालसम्म निर्माणमा सफलता प्राप्त गरेको सुनाए । सामाजिक विकास मन्त्रालयका अनुसार प्रदेशभर आइतबारबाट दोस्रो चरणको खोप अभियान पनि सुरु गरिएको छ । यो अभियानअन्तर्गत ६५ वर्षमाथिका ज्येष्ठ नागरिकलाई खोप लगाउन थालिएको छ । स्थानीय तहका वडाहरूमै खोप लिन सकिने व्यवस्था मिलाइएको छ । 

 

Nepal Investment bank
Sunrise bank
Nepal Investment bank
Sunrise bank
आइतबार, फागुन २३, २०७७ मा प्रकाशित
TATA Landing
TATA Landing
प्रतिक्रिया दिनुहोस्