असईसँगै गस्ती गएका प्रहरी जवान साउँद पनि मोहना नदीमा मृत भेटिए

असईसँगै गस्ती गएका प्रहरी जवान साउँद पनि मोहना नदीमा मृत भेटिए

काठमाडौं । कैलालीको धनगढी उपमहानगरपालिका १२ को अस्थायी प्रहरी बिट जुगेडाका इन्चार्ज (असई) गोविन्द विकसँगै सीमा क्षेत्रमा गस्तीमा गएका प्रहरी जवान रामबहादुर साउँद पनि मृत फेला परेका छन् ।

शनिबार साँझ ८ बजे मोटरसाइकलमा गस्ती गएकामध्ये असई विक आइतबार बिहान मृत अवस्थामा मोहना नदीमा फेला परे पनि प्रहरी जवान साउँदको अवस्था भने अज्ञात थियो । साउँदको शव मोहना नदीमै फेला परेको सुदूरपश्चिम प्रदेश प्रहरी कार्यालयका एसएसपी मुकेश सिंहले जानकारी दिए ।

यसअघि घटनामा संलग्‍न रहेका एकजना तस्करी गर्ने क्रममा प्रहरीले अवरोध गरपछि साँउद र विकको हत्या गरेको साबिति दिएका थिए ।

विकले चढ्ने बा.५८प ५२८४ नम्बरको मोटरसाइकल शव भेटिएको स्थानदेखि साढे २ किलोमिटर पश्चिमतर्फ भेटिएको थियो  ।  प्रहरीले सीमा क्षेत्रमा तस्कर समूहका गतिविधि निगरानी र नियन्त्रण गर्न पुगेका उनीहरु तस्करकै सिकार बनेको दाबी गर्दै आएको थियो ।

प्रतिकृया दिनुहोस
ad