राजनीति
काठमाडौं ।नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्रीका एक्ला उमेदवार भएका छन् ।
मंगलबार दिउँसो चार बजेसम्म उमेदवारी दिने समय तय भए पनि अन्य कसैले पनि दाहालविरुद्ध उमेदवारी दिन फर्म नलगेको संसद् सचिवालयले जनाएको छ ।
संसद् सचिवालयका सहायक प्रवक्ता सुदर्शन कुईंकेलका अनुसार प्रचण्डको प्रस्तावकमा नेपाली कांग्रेसका सभापति शेरबहादुर देउवा छन् भने समर्थकमा उपेन्द्र यादवसहित ११ जना छन् ।
प्रचण्डको समर्थकमा कृष्णबहादुर महरा, जयदेव जोशी, कुमार खड्का, चन्देश्वर झा, प्रेमबहादुर सिंह, उपेन्द्र यादव, लक्ष्मणलाल कर्ण, सर्वेन्द्रनाथ शुक्ल, लोकमणि ढकाल, हरिचरण साह र रुक्मिणी चौधरी छन् ।
संसद् सचिवालयले जारी गरेको कार्यतालिकाअनुसार बुधबार प्रधानमन्त्रीको चयन हुनेछ ।
मंगलबार ४ बजेसम्ममा प्रचण्डका विरुद्ध कसैको उमेदवारी दर्ता नभए पनि बुधबार संसद्मा मतदान भने हुनेछ ।
प्रकाशित मिति: मंगलबार, साउन १८, २०७३ १२:४५
प्रतिक्रिया दिनुहोस्