नबोलेमा एउटा कुरा बोले हजार हुन्छ यहाँ,
चुँक्क केही नबोल्दा’नि गफकै बजार हुन्छ यहाँ ।

भनेको कुरा, सुनेकै कुरा बुझिनँ, सुनिनँ भन्नेहरू,
नोबेलेको कुरामा चाहिँ अर्थ बुझ्नै हतार हुन्छ यहाँ ।

कुरा, गफमा हरकोही चिनीमाथि मह भर्छन्
आपत् पर्दा तर ती सब, निमकै अचार हुन्छ यहाँ ।

सपनाको हरियाली जंगल घना, हराभरा चारैतिर,
बिउँझी हेर्दा मरुभूमि साउदी, कतार हुन्छ यहाँ ।

व्यवहार त स्वार्थ हेरी, बाँसकै घाँसमा चढाउने,  
बाझिएमा स्वार्थ झाङै काट्ने पतार हुन्छ यहाँ ।