स्नेहसहितको सम्बन्ध यो 
जहाँ सद्भाव, सद्गुण र समर्पण बाँधिएका छन्
किनारका पहराझैँ
जहाँ माया मात्र होइन, मर्म पनि मिसिएको हुन्छ
सुनमा बालुवा मिसिएझैँ ।

साँझसँगै सुनौलो सूर्य अस्ताउँछ
मुस्कानले मन मस्त हुन्छ 
समर्पणले सम्बन्ध सशक्त बन्छ
सन्ध्यामा सम्झनाले संवेदना झन् खास लाग्छ । 

अनन्त आदर, आत्मीय आकर्षण, 
अपनत्वको अनुपम अभिव्यक्ति हो, सम्बन्ध
सम्झनाका सागरमा सँगै डुबुल्की मार्ने
दुःखका धागोमा सँगै गाँसिने
सुखका सपना सँगै बुनेर साँचिने
यही हो साँचो साथको सार, कहिल्यै ननासिने ।

शब्द–संगीतसरि मिठास मिसिएको 
स्नेह–समर्पणसरि सन्तुलन साधिएको
सपनाले बाटो देखाएको, सँगै साँचिएका सपना र सुन्दर
समर्पणको उपमा बनेर सुवास दिन्छ यो ।

नदी बगिरहन्छ
कहिले चट्टानसँग ठोक्किन्छ
कहिले फाँटमा रमाउँछ 
सम्बन्ध पनि त्यस्तै हो
कहिले तर्कले त कहिले तारतम्यले
तर
सधैँ लक्ष्य भेट्ने चाहनाले अघि बढिरहन्छ, नदीझैँ ।