काठमाडौं । आईसीसी विश्वकप क्रिकेट लिग–२ अन्तर्गत त्रिदेशीय शृंखलाको अन्तिम खेलमा नेपालले आज नेदरल्यान्ड्सविरुद्ध प्रतिस्पर्धा गर्दै छ ।

प्रतियोगितामा आजको खेलमा नेपालले तेस्रो जितसहित शृंखलाको अन्त्य गर्नेछ । यसअघि नेपालले तीन खेल खेल्दा पहिलो खेलमा स्कटल्यान्डलाई एक विकेटले र दोस्रो खेलमा नेदरल्यान्ड्सलाई पाँच विकेटले पराजित गर्दा तेस्रो खेलमा भने स्कटल्यान्डसँग दुई रनले पराजित भएको थियो ।

यता, नेदरल्यान्ड्स भने जारी शृंखलामा अझै पहिलो जितको खोजीमा छ । नेदरल्यान्ड्स यसअघि पहिलो खेलमा नेपालसँग पाँच विकेटले र दोस्रो खेलमा स्कटल्यान्डसँग ४४ रनले पराजित भएको थियो ।

स्कटल्यान्डको डुन्डीमा हुने यो खेल नेपाली समयअनुसार दिउँसो ३ः४५ बजेदेखि सुरु हुनेछ । 

लिग–२ तालिकामा नेपाल सातौँ स्थानमा छ । १५ खेल खेलेको नेपालले १० अंक जोडेको छ । तालिकाको दोस्रो स्थानमा रहेको नेदरल्यान्ड्सले २२ खेलबाट २६ अंक जोडेको छ ।