मोरङमा करेन्ट लागेर बिहेमा नाचगान गरिरहेका दुई महिलाको मृत्यु

देश

मोरङमा करेन्ट लागेर बिहेमा नाचगान गरिरहेका दुई महिलाको मृत्यु

बुधबार, वैशाख ३१, २०८२

मोरङमा करेन्ट लागेर बिहेमा नाचगान गरिरहेका दुई महिलाको मृत्यु

विराटनगर । मोरङमा करेन्ट लागेर दुई महिलाको मृत्यु भएको छ । गए राति रतुवामाई नगरपालिका–३, स्थित मिर्चा डाँगी टोलमा भएको एउटा विवाह समारोहमा सहभागी ७० वर्षीया रामुदेवी गनगाईं र ७३ वर्षीया सूर्यदेवी गनगाईंको मृत्यु भएको हो ।

प्रहरीका अनुसार, स्थानीय मंगललाल सिंहका छोरा निरजकुमार विवाहमा नाचगान गरिरहेका बेला उनीहरूलाई करेन्ट लागेको थियो । राति आएको हावाहुरीले माइक टांगेको बाँस ढलेको थियो । बाँस हाइटेन्सन लाइनमा ठोक्किएर तार लत्रिँदा तीन महिलालाई करेन्ट लागेको थियो ।

तीन जनामध्ये राधाकुमारी सिंहको अवस्था सामान्य रहेको जिल्ला मोरङ प्रहरी कार्यालय मोरङका प्रवक्ता प्रहरी नायव उपरीक्षक वेदप्रकाश जोशीले बताए । उनी उपचारपछि घर फर्किसकेकी छन् ।