काठमाडौं । रुपन्देहीको दानव नदीमा डुबेर तीन बालक बेपत्ता भएका छन् । लुम्बिनी सांस्कृतिक नगरपालिका–२, अर्दौलीस्थित नदीमा पौडी खेल्ने क्रममा तीन बालक बेपत्ता भएका सशस्त्र प्रहरीले जनाएको छ ।

सोमबार (वैशाख ८) दिउँसो नदीमा बेपत्ता भएका बालकको खोजीकार्य जारी छ । बेपत्ता बालकमा सोही ठाउँका १३ वर्षीय उमेश यादव, १४ वर्षीय राज यादव र १२ वर्षीय मुनु हरिजन छन् ।

विपद् व्यवस्थापन तालिम प्राप्त सुरक्षा फौज घटनास्थल पुगेर उनीहरूको खोजीकार्य गरिरहेको सशस्त्र प्रहरीका सहायक प्रवक्ता एवं डीएसपी शैलेन्द्र थापाले जानकारी दिए ।