काठमाडौं । सभापति रवि लामिछानेमाथि ज्यादती भएको निष्कर्ष निकालेको राष्ट्रिय स्वतन्त्र पार्टी (रास्वपा)ले राष्ट्रिय मानव अधिकार आयोगमा उजुरी दिएको छ । सुप्रिम सहकारी ठगी तथा संगठित अपराधमा उच्च अदालत तुलसीपुरको बुटवल इजलासबाट थुनामा पठाउन आदेश भएपछि प्रहरीले गएको शुक्रबार राति लामिछानेलाई उनको घरबाटै पक्राउ गरेको थियो ।

पक्राउ गर्ने क्रममा प्रहरी अधिकारीबाट ‘अन्तिम इच्छा’ शब्दावली प्रयोग भएपछि आक्रोशित बनेको रास्वपाले आयोगमा उजुरी दिएको हो ।

“हामीले सभापति रवि लामिछानेज्यूमाथि पक्राउका क्रममा प्रहरी ज्यादती गरी मानव अधिकार हनन गरेको विषयमा पार्टीको तर्फबाट उहाँको मानव अधिकार रक्षार्थ आयोगमा उजुरी दिएका छौँ,” कार्यवाहक महामन्त्री कवीन्द्र बुर्लाकोटीले बाह्रखरीसँग भने । 

• रविमाथि प्रहरीले ज्यादती गरेको भन्दै रास्वपाले गरायो आयोगको ध्यानाकर्षण 

गत शुक्रबार प्रहरी प्रक्राउका लागि पुग्दा लामिछानेले पक्राउ पुर्जी मागेका थिए । त्यस क्रममा उनलाई त्यतिबेलै लेखेर पक्राउ पुर्जी दिएपछि रविका समर्थकले ‘पक्राउ पुर्जी यसरी नै तयार पार्ने हो’ भन्दै प्रश्न गरेका थिए । त्यस क्रममा पक्राउका लागि पुगेका प्रहरी नायव उपरीक्षक दीपक खड्काले ‘अन्तिम इच्छा पूरा गरिदिएको छ त !’ भन्दै पक्राउका लागि अवरोध नगर्न आग्रह गरेका थिए । 

के छ निवेदनमा ?