site stats
बाह्रखरी :: Baahrakhari
बाह्रखरी गल्फ
Global Ime bankGlobal Ime bank
बैंकको नाफा 'सिंगल डिजिट'मै छ : चन्द्र ढकाल

काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले देशमा लगानीको कानुन पर्याप्त हुँदाहुँदै पनि समन्वयको कमीले समस्या उत्पन्न भएको बताएका छन् । मन्त्रालयबीच समन्वय र सहजीकरणमा समस्या रहेको भन्दै सरकारले त्यसमा ध्यान दिनुपर्ने बताए ।

शनिबार बाह्रखरी मिडियाले आयोजना गरेको ‘एनसेल बाह्रखरी गल्फ तथा आर्थिक परिसंवाद’मा बोल्दै नीतिगत स्थायित्व आवश्यक रहेको उल्लेख गरे ।

सरकारले नीतिमा सानो परिवर्तन गरे व्यवसायीको आत्मविश्वास बढ्ने ढकालले बताए । “निजी क्षेत्रले फाइदाका लागि मात्र नीतिगत सुधार खोज्छ भन्ने भाष्य अन्त्य गर्नुपर्छ,” उनले भने, “कर बढी तिर्नेलाई सम्मान गर्ने व्यवस्था भए लगानीकर्तामा उत्साह थपिन्छ ।”

भूतप्रभावी कानुनको सुधार र स्थायी नीतिको आवश्यकता रहेको ढकालले बताए । बैंकहरूले बढी नाफा कमाएको निरन्जन श्रेष्ठको कार्यपत्रमा टिप्पणी गर्दै ढकालले बैंकको नाफा निकै घटेको उल्लेख गरे ।

“एभरेजमा बैंकको नाफा सिंगल डिजिटमै छ । बैंकले नाफा नै गर्नु पर्छ । डिपोजिटरको सुरक्षाका लागि पनि बैंकले नाफा गर्नुपर्छ,” उनले भने, “पहिला नाफा बढी थियो अहिले घटेको छ ।”

प्रकाशित मिति: शनिबार, चैत २३, २०८१  १८:१५
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro