काठमाडौं । प्रधानमन्त्री केपी शर्मा ओलीले विकास र पूर्वाधार फरक विषय रहेको बताएका छन् । बाह्रखरी मिडियाले शनिबार काठमाडौंमा आयोजना गरेको ‘एनसेल बाह्रखरी गल्फ तथा आर्थिक परिसंवाद’ कार्यक्रममा अब देशलाई विकास चाहिएको बताए ।

आफूले भैरहवा विमानस्थल सञ्चालनका लागि बढी जोड दिएको उनको भनाइ छ । प्रधानमन्त्री ओलीले पूर्वाधार विकासका लागि डिजिटल नेपाल फ्रेमवर्क ल्याएको बताए । डिजिटल नेपालमा सरकारले काम गर्न थालेपछि युवाहरूमा रुचि बढेको उनको भनाइ छ ।

उनले आईटी क्षेत्रमा रहेको जनसंख्याअनुसार लाभ आउने बताए । अहिलेको अवस्थामा जीवन उपयोगी शिक्षा चाहिएको बताउँदै उनले रोजगार उपयोगी शिक्षा चाहिएको बताए । समाज गतिशील हुनुपर्ने बताउँदै उनले अब कृषिलाई व्यावसायिक बनाउनुपर्ने बताए ।