काठमाडौं । काठमाडौं महानगरपालिका–६, तेन्जिङचोकस्थित एक घरमा आगलागी हुँदा जलेर एक महिलाको मृत्यु भएको छ ।

मृत्यु हुनेमा सुनसरीको बाराहक्षेत्र नगरपालिका–२ स्थायी घर भइ काठमाडौं महानगरपालिका–६ स्थित राजेशचन्द्र गिरीको घरमा डेरा गरी बस्ने वर्षीया मुमेन तामाङ रहेकी प्रहरीले जनाएको छ ।

बुधबार साँझ ५ः२७ बजेको समयमा उनको कोठामा आगलागी भएको थियो । जलिरहेको देखेपछि तामाङलाई तत्काल उद्धार गरिएको थियो । उपचारका क्रममा साँझ ६ः२० बजेको समयमा ओम अस्पतालमा मृत्यु भएको जिल्ला प्रहरी परिसर काठमाडौंका प्रवक्ता प्रहरी उपरीक्षक अपीलराज बोहराले जानकारी दिए ।

आगलागीको कारण नखुलेको उनले बताए । आगलागी पूर्णरूपमा नियन्त्रणमा लिइएको र अनुसन्धान जारी रहेको प्रहरीले जनाएको छ । प्रहरी प्रभाग कपनबाट प्रहरी निरीक्षक नेत्रबहादुर कुँवरको कमाण्डमा खटी गएको प्रहरी टोली, स्थानीयवासी र घाइतेको बुबा दधीराम तामाङ समेतको टोलीले आगो नियन्त्रणमा ल्याएको थियो । रासस