काठमाडौं । तीनकुने घटनामा मृत्यु भएका पत्रकार सुरेश रजकको ६ दिनपछि अन्त्येष्टि गरिएको छ ।

गएको शुक्रबार (चैत १५) काठमाडौंको तीनकुनेमा भएको राजावादी प्रदर्शनका क्रममा आगजनीमा परेर रजकको मृत्यु भएको थियो । शव पोस्टमार्टमपछि बुधबार साँझ अन्त्येष्टि गरिएको हो ।

बुधबार त्रिवि शिक्षण अस्पतालमा रजकको शव पोस्टमार्टमपछि परिवारलाई हस्तान्तरण गरिएको थियो । पोस्टमार्टमका क्रममा रजकको जलेर मृत्यु भएको देखिएपछि परिवारले शव बुझेका थिए ।