काठमाडौं । नेपाल प्रहरीले पहिलोपटक सुरु गर्न लागेको मास्टर इन पुलिस साइन्स (एमपीएस) अध्ययनका निम्ति १७ जना प्रहरी नायव उपरीक्षक (डीएसपी)ले नाम निकालेका छन् ।

प्रहरी प्रधान कार्यालयले मंगलबार प्रवेश परीक्षाको नतिजा प्रकाशन गर्दै १७ जनाको नाम प्रकाशन गरेको छ । ४० जनासम्मलाई पढ्ने गरी लिइएको प्रवेश परीक्षामा १७ जनाले मात्रै नाम निकालेका हुन् ।

प्रवेश परीक्षामा १३० जना डीएसपी सहभागी थिए । अधिकांश डीएसपी परीक्षा सहभागी मात्रै भएर परीक्षा नदिई फर्किएका थिए । एमपीएस कोर्स तत्काल सुरु गर्न नहुने भन्दै सहभागी डीएसपीहरू सर्वोच्च समेत पुगेका थिए । सोही कारण पनि प्रवेश परीक्षामा कोटाभन्दा कम उत्तीर्ण भएका छन् ।

०७० सालमा भर्ना भएका इन्स्पेक्टरबाट स्टाफ कलेज लागु गर्न लागिएको हो । त्यो बेला भर्ना भएका अधिकांश डीएसपी भइसकेका छन् । स्टाफ कलेज नगर्नेहरू एसएसपीभन्दा माथिल्लो पदमा बढुवा नगर्ने नीति प्रहरी प्रधान कार्यालयले अघि सारेको छ । 

एमपीएस कोर्स कक्षा आगामी वैशाख ७ गतेदेखि सुरु हुनेछ ।

यी हुन् उत्तीर्ण भएका डीएसपी