काठमाडौं । नेपाली कांग्रेसका महामन्त्री विश्वप्रकाश शर्माले पूर्वराजा ज्ञानेन्द्र शाहलाई 'संवेदनाहीन' भनेका छन् ।

सोमबार प्रतिनिधिसभाको बैठकमा शर्माले 'मानवीय संवेदना नएभका' पूर्वराजा शाहको पक्षमा लागेकाहरूमाथि पनि प्रश्न उठाए ।

“तीनकुनेमा एकजना श्रमजीवी पत्रकार सुरेश रजकलाई जिउँदै जलाएर हत्या गरियो । अर्का श्रमजीवी सविन महर्जनको पनि त्यही ज्यान गयो,” शर्माले भने, “त्यसरी आफ्नै उक्साहटमा भएको पदर्शनमा नागरिकको ज्यान जाँदा दु:खी भएका छौँ, दु:खी भइबक्सेका छौँ भन्न पनि नसक्ने कस्तो संवेदना ?”