पोखरा । बराल ग्रुपअन्तर्गत सञ्चालनमा रहेको एलिट मोटर्स प्रालि (निसान, ओमोडा एन्ड जेइको, र जिकरका लागि लागि आधिकारिक डिलर) र एसएसएल मोटर्स कम्पनी प्रालि (लिपमोटर र सिट्रनका लागि आधिकारिक डिलर)ले नयाँ योजना ल्याएका छन् ।

कम्पनीले ‘वाडा अटो सो २०२५’ को लागि आकर्षक अफरहरू सार्वजनिक गरेका हुन् । नेपाल अटोमोबाइल्स डिलर्स एसोसिएसन (नाडा)द्वारा आयोजना हुन गइरहेको ‘वाडा अटो सो २०२५’ मा नेपालको अटोमोबाइल बजारका चर्चित कम्पनीहरू शारडा ग्रुप र गोल्छा अर्गनाइजेसन आदिको सहकार्य र सहभागिता रहेको छ ।

अत्याधुनिक अटोमोटिभ ब्रान्ड र विशेष अफरहरूको भव्य प्रदर्शनीको रूपमा रहेको ‘वाडा अटो सो २०२५’, पोखराको अमरसिंह मैदानमा २०८१ चैत १४ गतेदेखि १८ गते आयोजना हुँदै छ ।

अटो प्रदर्शनीमा एलिट मोटर्सले विभिन्न प्रिमियम अटोमोटिभ ब्रान्डहरू प्रस्तुत गर्दै छ, जहाँ सहभागी तथा दर्शकले अत्याधुनिक गाडी अनुभव गर्नुका साथै सीमित समयका लागि विशेष अफरहरूको लाभ लिन सक्नेछन् ।

प्रदर्शनीमा शारडा ग्रुपअन्तर्गत ओमोडा एन्ड जेइको, निसान, र जिकर ब्रान्डहरू स्टल नम्बर ‘ए–सिक्स’ र ‘ए–सेभेन’मा प्रस्तुत गरिनेछ । यस्तै गरी, गोल्छा ग्रुपले स्टल नम्बर ‘ए–टु’मा ‘लिपमोटर’ र ‘सिट्रन’ ब्रान्डका गाडीहरू प्रदर्शन गर्नेछ ।

सीमित अवधिका लागि, ग्राहकहरूले नयाँ ओमोडा एन्ड जेइको गाडी ५५ लाख ९९ हजारको सुरुवाती मूल्यबाट बुकिङ तथा खरिद गर्न सक्नेछन्, जसमा पाँच लाख हजारबराबरको लाभ समावेश हुने कम्पनीले जनाएको छ ।

यी लाभहरूमा नगद छुट, आकर्षक एक्सचेन्ज बोनस, एक वर्षको निःशुल्क बिमा, साथै ब्याट्री र मोटरमा आठ वर्ष (वा एक लाख ६० हजार किलोमिटर)को उत्कृष्ट वारेन्टी समावेश छन् । 

त्यसैगरी, ग्राहकहरूले निःशुल्क सात किलोवाट वाल चार्जर र एक वर्षको निःशुल्क सडक कर पनि प्राप्त गर्नेछन् ।