काठमाडौं । आजदेखि सुरु भएको प्रधानमन्त्री कपमा लुम्बिनी प्रदेश, विभागीय टोली एपीएफ र कर्णाली प्रदेशले जित निकालेका छन् ।

आइतबार सिद्धार्थनगरमा भएको खेलमा लुम्बनीले कोशी प्रदेशविरुद्ध २६ रनको जित निकालेको हो । खेलमा लुम्बिनीले प्रस्तुत गरेको २०९ रनको लक्ष्य पछ्याउने क्रममा कोशीले ४२.४ ओभरमा सबै विकेट गुमाएर १८२ रनमात्र बनाउन सक्यो । 

आइतबारकै अरू दुई खेलमा एपीएफले वाग्मती प्रदेशविरुद्ध १०० रनको र कर्णाली प्रदेशले सुदूरपश्चिम प्रदेशविरुद्ध ७९ रनको जित निकालेको हो । 

भैरहवामा सम्पन्न खेलमा एपीएफले प्रस्तुत गरेको १७५ रनको लक्ष्य पछ्याउने क्रममा वाग्मतीले २८.२ ओभरमा सबै विकेट गुमाएर ७४ रनमात्र बनाउन सक्यो । 

अर्को खेलमा कर्णालीले प्रस्तुत गरेको १५६ रनको लक्ष्य पछ्याउने क्रममा सुदूरपश्चिमले २१ ओभरमा सबै विकेट गुमाएर ७६ रनमात्र बनाउन सक्यो । 

आजदेखि सुरु भएको प्रतियोगितामा कुल १० टिमको सहभागिता छ । प्रतियोगितामा सात प्रदेश र तीन विभागीय टोली सहभागी छन् ।