निजगढ । बाराको कलैया उपमहानगरपालिका–१४, बघवनमा बसको ठक्करबाट मोटरसाइकल चालकको मृत्यु भएको छ । रौतहटको फतुवा विजयपुर नगरपालिका–५, बैरगनियाका ३५ वर्षीय अनिलप्रसाद यादवको मृत्यु भएको हो ।

शुक्रबार (फागुन २३) बिहान हुलाकी राजमार्गअन्तर्गत बरियारपुरबाट कलैयातर्फ आउँदै गरेको ना६ख ५०६७ नम्बरको बसले ना३९प ७३६७ नम्बरको मोटरसाइकललाई ठक्कर दिँदा चालक यादवको मृत्यु भएको जिल्ला प्रहरी कार्यालयका प्रवक्ता एवं प्रहरी नायब उपरीक्षक विजयराज पण्डितले जानकारी दिए ।

दुर्घटनालगत्तै यादवलाई प्रादेशिक अस्पताल कलैया लगिए पनि चिकित्सकले मृत घोषणा गरेका थिए । रासस