काठमाडौं । कास्कीको पोखरा महानगरपालिका–६ स्थित फेवातालमा फसेका तीनजनाको सशस्त्र प्रहरीले सकुशल उद्वार गरेको छ ।

बाराको जितपुर सिमरा उपमहानगरपालिका–२ बस्ने ४३ वर्षीय राजन उप्रेती, ४५ वर्षीय केशव दाहाल र ४७ वर्षीय विष्णुहरी दाहाल प्याडल बोटमा बोटिङ गरिरहेको अवस्थामा एक्कासि आएको हावाहुरीका कारण फेवातालमा फसेका थिए ।

सोबारे जानकारी पाउनासाथ सशस्त्र प्रहरी बल नेपाल न. २४ कालिका गण कास्कीबाट फेवाताल रेस्क्यु टावरमा खटिएको सुरक्षा फौजले मोटर बोटको सहायताले  उनीहरुको सकुशल उद्वार गरेको डीएसपी शैलेन्द्र थापाले जानकारी दिए ।