site stats
बाह्रखरी :: Baahrakhari
खेल
Global Ime bankGlobal Ime bank
भद्रपुर झापा गोल्डकप : बंगलादेशको काउर्न बजार सेमिफाइनलमा

काठमाडौं । बंगलादेशको काउर्न बजार प्रगति संघ दोस्रो संस्करणको भद्रपुर झापा गोल्डकप २०८१ को सेमिफाइनलमा प्रवेश गरेको छ ।

मेची रंगशालामा आइतबार भएको तेस्रो क्वाटरफाइनलमा न्युरोड टिम (एनआरटी)लाई २–० गोल अन्तरले पराजित गर्दै उक्त टोलीले अन्तिम चारमा स्थान बनाएको हो । काउर्न बजारका लागि खेलको २४औँ मिनेटमा साइदले गोल गर्दै टोलीलाई १–० को अग्रता दिलाएका थिए । लगत्तै खेलको २६औँ मिनेटमा सोही टोलीका एस सिल्लाहले गोल गर्दै अग्रता दोब्बर बनाए । दोस्रो हापमा कुनै टोलीले गोल गर्न सकेन्न ।

खेलको सुरुआतमा केही गोल गर्ने अवसर पाएर पनि चुकेपछि न्युरोड जारी गोल्डकपबाट बाहिरिएको छ । काउर्न बजार बंगलादेशले यही फागुन १३ गते आयोजक भद्रपुर ब्लेजर्ससँग पहिलो सेमिफाइनल खेल्नेछ । आजको खेलको प्लेयर अफ द म्याच काउर्न बजारका एस सिल्लाह भए । उनले ट्रफीसहित नगद २१ हजार प्राप्त गरे ।

सोमबार चौथो तथा अन्तिम क्वाटरफाइनल खेल विभागीय टोली एपीएफ एपसी र ट्रान्सपोर्ट युनाइटेड भुटानबीच हुनेछ । प्रतियोगिताको विजेता टोलीले नगद १३ लाख तथा उपविजेताले नगद सात लाख प्राप्त गर्नेछन ।

 

प्रकाशित मिति: आइतबार, फागुन ११, २०८१  २१:५५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro