काठमाडौं । नेपालमा टियागो ईभी २०२५ को डेलिभरी सुरु गरिएको छ । थप फिचर्स, प्रविधि, अत्याधुनिक डिजाइन र आकर्षक कलरसहित विद्युतीय गाडी टियागो सार्वजनिक गरिएको हो ।

भारतको अग्रणी विद्युतीय सवारीसाधन निर्माता टाटा मोटर्सले सिप्रदी ट्रेडिङसँगको सहकार्यमा नेपालमा टियागो ईभी २०२५ को बुकिङ र डेलिभरी थालिएको जनाएको छ ।

उच्च कार्यक्षमता, अत्याधुनिक डिजाइन, प्रयोगकर्तामैत्री सुविधा एवं अरू धेरै नयाँ डिजिटल विशेषताका साथ टियागो ईभी २०२५ मोडल पुरानै सुरुआती मूल्य २७ लाख ४९ हजार रुपैयाँमा उपलब्ध छ ।

सिप्रदी ट्रेडिङका प्रमुख कार्यकारी अधिकृत राजनबाबु श्रेष्ठले टियागो ईभी नेपाली बजारमा सर्वाधिक लोकप्रिय विद्युतीय ह्याचब्याकका रूपमा स्थापित भइसकेको बताए ।

यो गाडीमा २६.०३ सेन्टिमिटरको फ्लोटिङ टचस्क्रिन इन्फोटेन्मेन्ट सिस्टम छ । सुरक्षाको दृष्टिकोणले दुइटा एयरब्याग, इलेक्ट्रोनिक स्टेबिलिटी प्रोग्राम, र हिल होल्ड कन्ट्रोलजस्ता विशेषता गाडीमा छन् ।