काठमाडौं । प्लाइमाउथका प्रशिक्षक मिरोन मुस्लिकले फुटबलमा धेरैले असम्भव मानेको उपलब्धि हासिल गरिसकेका छन् । इंग्लिस फुटबलको दोस्रो डिभिजन च्याम्पियनसिपको पुछारमा रहे पनि उनको टोलीले एफए कपमा प्रिमियर लिग लिडर लिभरपुलविरुद्ध अप्रत्यासित जित निकाल्न सफल रह्यो ।

आइतबार राति भएको खेलमा र्‍यान हार्डीको पेनाल्टी एफए कपको चौथो चरणमा लिभरपुललाई स्तब्ध बनाउन पर्याप्त बन्यो ।

“यो हाम्रो लागि जादुमयी दिन हो । मैले मेरो खेलाडीहरूलाई खेलमा रमाउन भनेको थिए, र अहिले हामी क्लबको इतिहासमा खडा भएका छौँ,” मुस्लिकले भने, “यो हाम्रो लागि ठूलो दिन हो । र, कताकता मलाई लाग्छ हामी यो नतिजाका निम्ति योग्य थियौँ ।”

मुस्लिकको जीवनकथामा यो नतिजा तुलना गर्ने हो भने ६ पटकको युरोपियन च्याम्पियनलाई हराउनु सायद अझ सहज उपलब्धि हुन सक्छ ।

सन् १९९२ मा ९ वर्षको उमेरमा मुस्लिक बोस्नियाको घर बिहाकबाट पलायन हुन बाध्य बनेका थिए । उनै मुस्लिक गत महिना इंग्ल्यान्डका वाइन रुनीलाई प्रतिस्थापन गर्दै प्लाइमाउथको मुख्य प्रशिक्षक बने ।

उनीहरू समयमै बाहिरिए । जुन १९९२ मा, मुस्लिक परिवारले बिहाक छोडेको एक वा दुई महिनापछि नै गृहयुद्धको क्रममा सर्ब–नेतृत्वको सेनाद्वारा मुस्लिकको सहज तीन वर्षको घेराबन्दीमा पर्‍यो ।

“हामीले बोस्निया र बिहाक छोड्नु पर्‍यो । एक रातमै जति सकिन्छ त्यति सामान बोकेर हामी निस्कियौँ । त्यहीबाट हाम्रो नयाँ यात्रा, नयाँ जीवन सुरु भयो ।”

मुस्लिक, उनको दिदी र अभिभावकले बोस्नियाबाट ४०० माइलको यात्रा तय गर्दै अस्ट्रियाको इन्सबर्गसम्म आइपुगे । जहाँ उनीहरूलाई रहनसहन, भाषा र सामाजिक परिवेशबारे कुनै जानकारी थिएन । उनीहरूले जर्मन लवजमा बोल्ने स्थानीयसँग सम्बन्ध बनाउन निक्कै कसरत गर्नुपर्‍यो ।

“हामीले पूरा जिन्दगीभर संघर्ष गर्यौँ । यो संघर्षको यात्रा नै मेरो जीवनको यात्रा बन्यो । त्यसैकारण म सँधै आशावादी र सकारात्मक रहने गर्दछु,” यो सिजन सर्कल बर्गेसलाई यूईएफए युरोपा कन्फेरेन्ससम्म पुर्‍याएका मुस्लिकले भने ।

“यदि पूर्ण रूपमा विश्वास राखियो भने कुनै पनि कुरा असम्भव हुँदैन,” उनले थपे ।

यदि विश्वास र प्रतिबद्दता लिभरपुलविरुद्ध मुस्लिकको टिमले देखायो । लिभरपुल त्यही टिम हो जसले यूईएफए च्याम्पियन्स लिगको पहिलो चरणमा शीर्ष स्थान हासिल गरेको थियो । प्रिमियर लिगमा पनि शीर्ष स्थानमा ६ अंकको अग्रता बनाएको छ ।

मुस्लिकलाई भेट्ने जो–कोहीले पनि उनको जोस र प्रतिबद्दतालाई अनुभव गर्न सक्छन् । डेभनमा अविस्मरणीय जित निकालेसँगै मुस्लिकले पथमा जस्तोसुकै बाधाहरू भए पनि लक्ष्य भेट्टाउन सकिने सन्देश दिएका छन् ।