काठमाडौं । चितवन जिल्ला दुग्ध उत्पादक सहकारी संघ लिमिटेड र प्रभु बैंक लिमिटेडबीच किसानलक्षित कर्जा प्रवाह गर्ने समझदारी भएको छ । प्रथम राष्ट्रिय डेरी एक्स्पो–२०८१ का क्रममा उक्त समझदारीपत्रमा हस्ताक्षर गरिएको हो ।

संस्थाका अध्यक्ष किशोर बगाले र प्रभु बैंकका वाग्मती प्रदेश प्रमुख सांग्रीला श्रेष्ठले समझदारीपत्रमा हस्ताक्षर गरेका थिए ।

प्रभु बैंकले नेपालभर ३११ शाखा कार्यालय, २८४ एटीएमका साथै ६९ एक्सटेन्सन काउन्टरमार्फत सेवा दिँदै आएको छ ।