काठमाडौं । ज्योति साहित्य प्रतिष्ठान र नेपाली सरोकार राष्ट्रिय मासिक पत्रिकाले एक कार्यक्रमकाबीच विभिन्न साहित्यकार, कवि, लेखकहरूलाई सम्मानित गरेको छ । काठमाडौंमा बुधबार आयोजित कार्यक्रममा प्रमुख अतिथि कवि शैलेन्द्र साकारले कवि कृष्ण प्रधान, कथाकार भागिरथी श्रेष्ठ, पद्मावती सिंह, कवि लक्ष्मी माली, सुरेन्द्र लिम्बू परदेशी (भारत), बलराम दहाललाई ‘स्रष्टा सम्मान’ प्रदान गरे ।

कार्यक्रममा कवि मणिराज सिंह, समाजसेवी तिलप्रसाद न्यौपाने र विभिन्न समाजसेवी घननारायण श्रेष्ठलाई ‘बीपी साहित्यिक सम्मान’ प्रदान गरियो ।

सोही अवसरमा सर्जकहरू शीतल कादम्बिनी, रूकू कार्की, राजेश खनाल, राजनविक्रम थापा, सुरेन्द्र अस्तफल (नारायणघाट), दिनेश शर्मा (हेटौडा), भीम विरही राई (धरान), सुमित्रा सुमी (नुवाकोट)लाई ‘ज्योति स्रष्टा सम्मान’ प्रदान गरियो ।

कार्यक्रममा ‘ज्योति प्रतिभा सम्मान’ रवीन्द्र आशिष शैली, गंगा आचार्य सापकोटा, श्रीराम पाण्डे, श्रीराम पौडेललाई प्रदान गरियो । 

कार्यक्रममा प्रमुख अतिथि कवि साकारले यस किसिमका सम्मानबाट साहित्यकारहरूलाई ऊर्जा प्राप्त हुने बताए । 

कार्यक्रममा मणिराज सिंह, हिरण्यकुमारी पाठकलगायतका सर्जकहरूले बोलेका थिए । उक्त अवसरमा विभिन्न कविहरूले कविता वाचनसमेत गरे ।