काठमाडौं । नइ प्रकाशनले पाँच जना साधकलाई २०८० सालको ‘नइ पुरस्कार’ प्रदान गर्ने निर्णय गरेको छ ।

प्रकाशनका सदस्यसचिव नरेन्द्रराज प्रसाईद्वारा प्रेषित विज्ञप्तिअनुसार, नेपाली भाषासाहित्यको श्रीवृद्धिमा कविता र निबन्ध सिर्जना, अनुवाद र सम्पादनका माध्यमबाट योगदान पुर्‍याएबापत पाल्पाका कृष्णप्रसाद बस्याललाई ६० हजार नगद राशिसहित ‘नइ देरुनीख प्रदीप्ति पुरस्कार’ प्रदान गर्ने भएको छ । 

विज्ञप्तिअनुसार, साहित्यकार ठाकुर शर्मा भण्डारीलाई ‘नइ कपिल शोध पुरस्कार’, झापाका धनकुटे कान्छालाई ‘नइ देरुनीख गौरव पुरस्कार’, पोखराकी तेस्रो लिंगी रजनी थकालीलाई ‘नइ रामलक्ष्मी पुरस्कार’ प्रदान गर्ने निर्णय गरेको छ । यी तीन पुरस्कारका साथ नगद राशि जनही ५० हजार रुपैयाँ प्रदान गरिने जनाइएको छ ।

त्यस्तै, मनीषा राजवंशीलाई २५ हजार नगद राशिसहित ‘नइ देरुनीख पौरख पुरस्कार’ प्रदान गरिनेसमेत विज्ञप्तिमा जनाइएको छ ।