site stats
बाह्रखरी :: Baahrakhari
राजनीति
Global Ime bankGlobal Ime bank
हिउँदे अधिवेशन : पहिलो बैठकमा प्रधानमन्त्री र शीर्ष नेताले सम्बोधन गर्ने 

काठमाडौं । आगामी शुक्रबारबाट संसद्को हिउँदे अधिवेशन सुरु हुँदै छ । बैठक तयारीका लागि सभामुख देवराज घिमिरेले आज आइतबार सत्तापक्षका प्रमुख सचेतकहरूसँग छलफल गरेका छन् । 
 
सभामुख घिमिरेले हिउँदे अधिवेशन, विधेयक, सरकारको तयारीलगायत विषयमा सचेतकहरूसँग छलफल गरेका हुन् । 

आजको बैठकमा सरकारले ल्याउने विधेयकको तयारीबारे सभामुखले छलफल गरे । आगामी संसद् अधिवेशन प्रभावकारी बनाउन पहल गर्न पनि उनले सचेतकहरूलाई आग्रह गरे । 

समितिको बैठक नियमित बस्न र विचाराधीन विधेयकलाई टुंगोमा पुर्‍याउन पनि सभामुखले आग्रह गरेका छन् । 

यसैबीच, सत्तारुढ दल एमालेले १५ गतेका लागि संसदीय दलको बैठक बाेलाएकाे छ । बैठक दिउँसो १ बजे ल्होत्से हलमा बस्ने गरी बोलाइएको बैठकपछि एमाले प्रमुख सचेतक महेश बर्तौलाले जानकारी दिए ।

सभामुखले सत्ता र प्रतिपक्षका प्रमुख सचेतकहरूसँग सोमबार सामूहिक रूपमा छलफल गर्ने तय भएको छ । त्यस्तै, मंगलबार कार्यव्यवस्था परामर्श समितिको बैठक समेत बोलाइएको छ । 

पहिलो दिनको बैठकलाई प्रधानमन्त्रीसहित शीर्ष नेताले सम्बोधन गर्ने तय भएको छ । संघीय संसद्का राष्ट्रिय सभा र प्रतिनिधिसभाको अधिवेशन माघ १८ गते १ बजेका लागि आह्वान गरिएको छ ।

प्रकाशित मिति: आइतबार, माघ १३, २०८१  १३:२५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro