काठमाडौं । प्रमुख प्रतिपक्ष दल नेकपा (माओवादी केन्द्र)को अर्थ तथा योजना विभागले पूर्वाधार र सुशासनका विषयमा सांसद र विज्ञसित छलफल गर्दै छ । आइतबार राजधानीमा जारी छलफलमा पार्टीका प्रतिनिधिसभा र राष्ट्रियसभा सदस्य, नेतालगायत व्यक्ति सहभागी छन् ।

राष्ट्रिय गौरवका आयोजना र विकासमा हुने भ्रष्टाचार नियन्त्रणमा खेल्नुपर्ने भूमिकाबारे पार्टीको संस्थागत धारणा बनाउने उद्देश्यले कार्यक्रम आयोजना गरिएको विभाग प्रमुख एवं पूर्वअर्थमन्त्री वर्षमान पुनले बताए ।

प्रमुख प्रतिपक्षका हैसियतमा संघीय संसद्का दुवै सदनमा आयोजनाको अवस्था र सरकारका गलत काम–कारबाहीबारे बोल्न सांसदहरूलाई कार्यक्रमले सहयोग पुग्ने विश्वास लिइएको पुनले उल्लेख गरे ।