site stats
बाह्रखरी :: Baahrakhari
खेल
Global Ime bankGlobal Ime bank
एपीएफको फराकिलो जितमा रश्मीको ह्याट्रिक

काठमाडौं । फरवार्ड रश्मीकुमारी घिसिङको ह्याट्रिकप्रेरित विभागीय टोली एपीएफले राष्ट्रिय महिला लिगको दोस्रो चरणमा स्याङ्जाको वालिङ क्लबविरुद्ध ९–० को फराकिलो जित निकालेको छ ।

सोमबार सातदोबाटोस्थित एन्फा मुख्यालयमा सम्पन्न खेलमा एपीएफलाई जित दिलाउन रश्मीले चार गोल गरिन् । सरु लिम्बू र गीता रानाले समान दुई गोल गर्दा अनिता केसीले अर्को एक गोल थपिन् । खेलको तेस्रो मिनेटमै रश्मीको गोलमा एपीएफले अग्रता बनाएको थियो । पाँचौँ मिनेटमा गीताले एपीएफको अग्रता दोब्बर बनाइन् ।

त्यसको अर्को मिनेटमै रश्मीले नै एपीएफको अग्रतालाई ३–० मा पुर्‍याइन् । १७औँ मिनेटमा रश्मीले ह्याट्रिक गर्दा एपीएफले अग्रतालाई ४–० मा पुर्‍यायो । ३१औँ मिनेटमा सरु लिम्बूले टिमका निम्ति पाँचौँ गोल गरिन् । ३९औँ मिनेटमा सरुले नै एपीएफको अग्रतालाई ६–० मा पुर्‍याइन् ।

४२औँ मिनेटमा गीताले दोस्रो गोल गरेपछि एपीएफले पहिलो हाफमा ७–० को अग्रता बनाएको थियो । ७७औँ मिनेटमा रश्मीले एपीएफबाट चौथो गोल गरिन् । यस्तै, खेलको अन्तिम मिनेटमा अनिताले गोल गरेपछि एपीएफले ९–० को सहज जित सुनिश्चित गरेको हो । दोस्रो चरणमा दोस्रो खेल खेलिरहेको एपीएफबाट रश्मीको यो लगातार दोस्रो ह्याट्रिक हो । रश्मीले यसअघि पहिलो खेलमा सर्लाहीको वाग्मती युवा क्लबविरुद्ध पनि ह्याट्रिक गरेकी थिइन् ।

 

प्रकाशित मिति: सोमबार, पुस २२, २०८१  १८:५३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro