काठमाडौं । दीपलले आफ्ना गाडीको चार लाख युनिट बिक्री पूरा गरेको बताएको छ । चिनियाँ कम्पनी चांगन अटोमोबाइल्सले २९ महिनामा यो आँकडा हासिल गरेको बताएको छ ।

कम्पनीले डिसेम्बर ३० मा चार लाख गाडी बिक्री गरेको तथ्यांक सार्वजनिक गरेको हो । गत अक्टोबरमा कम्पनीले तीन लाख गाडी बिक्री गरेको थियो ।

यसले दुई महिनामै थप एक लाख गाडी बिक्री गरेको देखाएको छ ।

सन् २०२२ मा एसएल ०३ सेडानबाट विद्युतीय गाडी (ईभी) बिक्री थालेको दीपलले २०२३ को सेप्टेम्बरसम्म एक लाख गाडी बिक्री गरेको थियो ।

कम्पनीको दोस्रो मोडल दीपल एस७ का दश हजार युनिट ३५ दिनमै बिक्री भएको थियो । हाल दीपलका एसएल ०३, एस०७ (पूरा एस७), जी३१८, एल०७ र एस ०५ गरी पाँच मोडल बजारमा उपलब्ध छन् ।

दीपलले सन् २०२५ मा कम्तिमा पाँच लाख गाडी बिक्रीको लक्ष्य राखेको छ । जसमा चार लाख स्थानीय बजारमा र एक लाख विदेशमा बिक्री गर्ने लक्ष्य छ ।

सन् २०२५ को अन्त्यसम्म ८१ देशमा गाडी बिक्री गर्ने लक्ष्य कम्पनीको छ ।