काठमाडौं । सुदूरपश्चिम रोयल्सका सैब जैब नेपाल प्रिमियर लिग (एनपीएल)को सर्वोत्कृष्ट खेलाडी चुनिएका छन् ।

सुदूरपश्चिम रोयल्सलाई फाइनलसम्म पुर्‍याउन अलराउन्ड प्रदर्शन गरेका जैबले नगद पाँच लाख रुपैयाँ पुरस्कार पाए । उनले ब्याटिङतर्फ नौ खेलमा दुई अर्धशतकसहित २७५ रन बनाए । बलिङतर्फ १२ विकेट लिएका थिए ।

शनिबार कीर्तिपुरस्थित त्रिवि क्रिकेट मैदानमा भएको फाइनलमा सुदूरपश्चिमविरुद्ध पाँच विकेटको जित निकाल्दै जनकपुर बोल्ट्स एनपीएल च्याम्पियन बनेको थियो । खेलमा सुदूरपश्चिमले दिएको १८५ रनको लक्ष्य जनकपुरले १९.२ ओभरमा पाँच विकेट गुमाएर पूरा गर्‍यो ।

सुदूरपश्चिमकै कप्तान दीपेन्द्रसिंह ऐरी प्रतियोगिताको सर्वोत्कृष्ट नेपाली खेलाडी चुनिए ।

• एनपीएलमा यी हुन् उत्कृष्ट (तस्बिरहरू)
• सुदूरपश्चिमविरुद्ध पाँच विकेटको जितसहित जनकपुर बन्यो एनपीएल च्याम्पियन