काठमाडौं । नेपाली कांग्रेसका प्रमुख सचेतक श्यामकुमार घिमिरेले विधेयकमा समयसीमा लगाउनेबारे छलफल थालिएको बताएका छन् । प्रतिनिधिसभाअन्तर्गतको राज्यव्यवस्था तथा सुशासन समितिको बिहीबारको बैठकमा निजामती विधेयकमाथि संशोधन प्रस्ताव प्रस्तुत गर्र्दै उनले त्यसबारे छलफल भइहेको बताए ।

“प्रमुख सचेतकहरूले छलफल पनि चलाएका छौँ । संसद्‌मा आएको कति दिनसम्ममा समितिमा पठाउने हो ? समितिले कति दिनभित्रमा निर्णय गरेर पठाउने हो ? निश्चित अवधि तोक्नुपर्‍यो,” उनले भने ।

समयसीमा नराखिँदा विधेयक पारित गर्नै गाह्रो भएको उनले उल्लेख गरे । दर्ता गरिएका विधेयक संसद्को आउँदो अधिवेशनबाट पारित गर्ने गरी लाग्नुपर्नेमा उनले जोड दिए ।

“विधेयक भोलिका दिनमा संशोधन गर्न सकिन्छ । विधेयक अड्काएर राख्ने धेरै स्वार्थ समूह हुँदा रहेछन्,” उनले भने, “व्यक्तिगत चाहना पूरा गर्न सकिँदैन । राष्ट्रको हितलाई सोचेर काम गर्ने हो ।”

विधेयक पारित गर्न अप्ठ्यारो भए प्रमुख सचेतकहरूले सहमति गर्ने विषयमा पनि छलफल भएको उनले सुनाए ।