कैलाली । स्वास्थ्यमा समस्या देखिएपछि धनगढी उपमहानगरपालिकाका प्रमुख गोपाल हमाललाई थप उपचारका निम्ति शनिबार नयाँ दिल्लीतर्फ लगिएको छ ।

नगरप्रमुख हमालको सचिवालयका प्रमुख कृपाराम उपाध्यायले उनलाई गए राति श्वास फेर्न र मस्तिष्कमा समस्या देखिएपछि थप उपचारका निम्ति शनिबार नयाँ दिल्ली लगिएको जानकारी दिए ।

श्वास फेर्न समस्या भएपछि गए राति नै उनलाई धनगढीस्थित माया मेट्रो अस्पतालमा उपचारका निम्ति भर्ना गरिएको थियो । ०७९ को स्थानीय तह निर्वाचनमा स्वतन्त्र उमेदवारी दिएर उनी नगरप्रमुखमा निर्वाचित भएका हुन् । रासस