काठमाडौं । दक्षिणी गाजापट्टीको खान युनिसको पश्चिममा विस्थापित मानिसका निम्ति बनाइएको आश्रयस्थललाई लक्षित गरी बुधबार इजरायली आक्रमणमा २० प्यालेस्टाइनीको मृत्यु भएको छ ।

स्थानीय स्रोत र प्रत्यक्षदर्शीका अनुसार, इजरायली युद्धक विमानहरूबाट एउटा मिसाइलका साथ मावासी क्षेत्रमा विस्थापित मानिसको घरमा रहेको आश्रयलाई निसाना बनाई आक्रमण गरिएको थियो । स्वास्थ्यकर्मीले उद्धार टोलीले पाँच बालबालिकासहित २० पीडितको शव निकालेको र दर्जनौँ घाइतेलाई अस्पताल लगिएको बताएका छन् ।

इजरायली सेनाले हालसम्म आक्रमणबारे कुनै प्रतिक्रिया दिएको छैन । गाजामा जारी इजरायली आक्रमणबाट मृत्यु हुने प्यालेस्टाइनीको संख्या ४४ हजार ५३२ पुगेको छ । सिन्ह्वा/न्युज एजेन्सी नेपाल