काठमाडौं । प्रहरी नायब महानिरीक्षक (डीआईजी)मा बढुवा भएका आठ प्रहरी अधिकारीले दर्ज्यानी चिह्न लगाएका छन् ।

गृहमन्त्रीस्तरको यही मंसिर १७ गतेको निर्णयअनुसार प्रहरी वरिष्ठ उपरीक्षक (एसएसपी)बाट बढुवा भएका आठ डीआईजीलाई प्रहरी महानिरीक्षक (आईजीपी) बसन्तबहादुर कुँवरले दर्ज्यानी चिह्न लगाइदिएका हुन् ।

प्रहरी प्रधान कार्यालयमा सोमबार एक कार्यक्रमबीच दर्ज्यानी चिह्न लगाइदिएका हुन् । एसएसपीबाट ध्रुवराज राउत, भोलाबहादुर रावल, गणेश चन्द, सिद्धिविक्रम शाह, सुशिलसिंह राठौर, उमाप्रसाद चतुरबेदी, हिमालकुमार श्रेष्ठ र डम्बरबहादुर बिक डीआईजीमा बढुवा भएका थिए ।