काठमाडौं । स्थानीय तहमा रिक्त ४१ पदमा जनप्रतिनिधि चयनका निम्ति आइतबार (भोलि) मतदान हुँदै छ । काठमाडौंको कीर्तिपुर नगरपालिकालगायत स्थानमा उपनिर्वाचनअन्तर्गत मतदान हुन लागेको हो ।

मतदान हुने दिन समेत निर्वाचन आचारसंहिता पालना गर्न/गराउन निर्वाचन आयोगले निर्देशन दिएको छ । राजनीतिक दल, उमेदवार, दलको भातृसंगठन वा सम्बन्धित व्यक्तिले निर्वाचन आचारसंहिता, २०७९ को दफा १८ बमोजिमका कार्य नगर्न/नगराउन निर्वाचन निर्देशन दिइएको आयोगका प्रवक्ता नीता पोखरेल अर्यालले जानकारी दिइन् ।

आयोगका अनुसार, मतदान केन्द्रमा राजनीतिक दल वा उमेदवारको प्रतिनिधिले निर्वाचन चिह्न वा मत संकेत भएको पहिरन वा ब्याज लगाउन हुँदैन ।

यस्तै, मतदान केन्द्रमा कुनै राजनीतिक दल वा उमेदवारको पहिचान देखिने एकै किसिमको सांकेतिक पोसाक र चिजवस्तु लगाउन, बोक्न वा देखाउन हुँदैन ।

मतदाता तथा आयोगले अनुमति दिएका व्यक्ति वा अधिकारीबाहेक अरू कोही मानिस मतदान केन्द्रमा प्रवेश गर्न हुँदैन ।

विज्ञप्ति पढ्नोस्–