site stats
बाह्रखरी :: Baahrakhari
देश
Global Ime bankGlobal Ime bank
पर्सामा अपहरण गरी फिरौती मागेको आरोपमा दुईजना पक्राउ

काठमाडौं । पर्सामा अपहरण तथा शरीर बन्धकसम्बन्धी कसुरमा संलग्न रहेको आरोपमा प्रहरीले दुईजनालाई पक्राउ गरेको छ ।

पक्राउ पर्नेमा वीरगन्ज महानगरपालिका–१६, इनर्वागाउँका ३० वर्षीय सन्तोषदास तत्मा र वीरगन्ज–१६, नगवाका ३१ वर्षीय हरिशंकर शर्मा छन् । गएको आइतबार दिउँसो उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

सोही दिन रौतहटको कटहरिया नगरपालिका–६ का ४१ वर्षीय एक पुरुषको अपहरण गरी फिरौती रकम मागेको भन्ने उजुरीका आधारमा उनीहरूलाई पक्राउ गरिएको हो । उनीहरूलाई वीरगन्ज–१६, इनर्वागाउँबाट पक्राउ गरिएको प्रहरीले जनाएको छ ।

प्रहरीले उनीहरूका साथबाट नगद ५० हजार रुपैयाँ र अपहरणमा प्रयोग गरिएको दुईथान मोटरसाइकल समेत बरामद गरेको छ । 

उनीहरूविरुद्ध अपहरण तथा शरीर बन्धक कसुरमा पर्सा जिल्ला अदालतबाट सात दिन म्याद थप अनुमति लिई अनुसन्धान गरिरहेको प्रहरीले जनाएको छ ।

प्रकाशित मिति: मंगलबार, मंसिर ११, २०८१  १२:५८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro