तनहुँ । पृथ्वी राजमार्गअन्तर्गत तनहुँको बन्दीपुर गाउँपालिका–५, गोरेचौतारामा आइतबार दिउँसो दुई बस ठोक्किँदा २९ जना यात्रु घाइते भएका छन् ।

गण्डकी जीएए ००७० र भे१ख ३४८७ नम्बरका बस एकापसमा ठोक्किँदा २९ जना घाइते भएका जिल्ला प्रहरी कार्यालय तनहुँले जनाएको छ । घाइतेमध्ये दुईजनाको अवस्था गम्भीर रहेको जिल्ला प्रहरी कार्यालयका प्रहरी नायब उपरीक्षक अशोक थापाले जानकारी दिए ।

बसमा च्यापिएका यात्रुलाई मुग्लिन पोखरा सडक योजनाको डोजरको सहयोगमा उद्धार गरिएको छ । डुम्रेस्थित लक्ष्मी अस्पतालमा घाइतेको उपचार भइरहेको प्रहरीले जनाएको छ । रासस