काठमाडौं । नेपाली कांग्रेसका महामन्त्री विश्वप्रकाश शर्माले उपनिर्वाचनमा कांग्रेस पहिलो पार्टी बन्ने दाबी गरेका छन् । आइतबार कीर्तिपुर नगरपालिकाको मेयरका लागि कांग्रेस उमेदवारले मनोनयन दर्ता गराएपछि सञ्चारकर्मीसँग महामन्त्री शर्माले अधिकांश स्थानमा कांग्रसकै जित हुने जिकिर गरे ।

उनले देशभरको तथ्य हेर्दा उपनिर्वाचनमा कांग्रेस पहिलो पार्टीको रूपमा प्रकट हुने देखिएको बताए ।

उनले अहिलेको लोकतान्त्रिक प्रणालीलाई बलियो बनाउन र स्थानीय तहलाई जनमुखी बनाउन पनि कांग्रेसले महत्त्वपूर्ण भूमिका खेलेको बताए ।

महामन्त्री शर्माले प्रधानमन्त्रीलाई जिम्मेवारीपूर्वक काम गर्न सकारात्मक दबाब दिन पनि मतदाताले कांग्रेस उमेदवारलाई जिताउने विश्वास व्यक्त गरे ।

स्थानीय तहका रिक्त ४२ पदका निम्ति यही मंसिर १६ गते मतदान हुँदै छ ।