काठमाडौं । नेकपा (एकीकृत समाजवादी)ले आसन्न उपनिर्वाचनका निम्ति १३ उमेदवारको नाम टुंगो लगाएको छ । अरू उमेदवार आइतबार (भोलि) बिहानसम्म टुंगो लगाउने गरी छलफल भइरहेको पार्टीले जनाएको छ ।

एकीकृत समाजवादीले मोरङको ग्रामथान गाउँपालिकाको अध्यक्ष पदका निम्ति दिलबहादुर विश्वकर्मीको नाम उमेदवारका रूपमा टुंगो लगाएको छ । दोलखाको गौरीशंकर गाउँपालिकाको उपाध्यक्षका निम्ति रविना खड्कालाई छानिएको छ । बाजुराको स्वामीकार्तिक खापर गाउँपालिकाको उपाध्यक्षका निम्ति जवा शाहीलाई चयन गरिएको एकीकृत समाजवादीले जनाएको छ ।

एकीकृत समाजवादीले टुंगो लगाएका उमेदवारको सूची पढ्नोस्–

कोसी प्रदेश
१. मोरङको ग्रामथान गाउँपालिका अध्यक्ष – दिलबहादुर विश्वकर्मी
२. सुनसरीको गढी गाउँपलिका–६ को वडाध्यक्ष – डोमी उराव
३. उदयपुरको त्रियुगा नगरपालिका–१२ को वडाध्यक्ष – निर्मला चौधरी

मधेस प्रदेश
४. धनुषाको धनुषाधाम नगरपालिका–१ को वडाध्यक्ष – गोपाली साह
५. रौतहटको गढीमाई नगरपालिका–८ को वडाध्यक्ष – वजरंगीप्रसाद यादव
६. रौतहटको ईशनाथ नगरपालिका–७ को वडाध्यक्ष – सदरे आलम

वाग्मती प्रदेश
७. नुवाकोटको ककनी गाउँपालिका–२ को वडाध्यक्ष – मानबहादुर लामा
८. मकवानपुरको हेटौँडा नगरपालिका–१२ को वडाध्यक्ष – बलराम बल
९. दोलखाको गौरीशंकर गाउँपालिका उपाध्यक्ष – रविना खड्का
१०. काठमाडौं महानगरपालिका–१६ को वडाध्यक्ष – मीनबहादुर मानन्धर
११. कीर्तिपुर नगरपालिका–४ को वडाध्यक्ष – रीता खड्का

सुदूरपश्चिम प्रदेश
१२. बाजुराको स्वामीकार्तिक खापर गाउँपालिका उपाध्यक्ष – जवा शाही
१३. कञ्चनपुरको भीमदत्त नगरपालिका–६ को वडाध्यक्ष – जीतेन्द्र चन्द्र

स्थानीय तहका रिक्त ४२ पदका निम्ति यही मंसिर १६ गते मतदान हुँदै छ । आइतबार (भोलि) उमेदवारको मनोनयनपत्र दर्ता गरिने निर्वाचन आयोगको कार्यतालिका छ ।