काठमाडौं । इजरायलले ५४ दिनपछि पेजर आक्रमणको जिम्मेवारी लिएको छ । गत सेप्टेम्बर १७ मा लेबनानमा हिजबुल्लाह सदस्यहरूको पेजर (सञ्चार उपकरण) मा भएको शृंखलाबद्ध विस्फोटको ५४ दिनपछि इजरायलले जिम्मेवारी लिएको हो ।

प्रधानमन्त्री बेन्जामिन नेतान्याहुले इजरायलको सुरक्षालाई ध्यानमा राख्दै आक्रमणलाई स्वीकृत गरेको स्वीकार गरेका हुन् ।

आइतबार बसेको मन्त्रिपरिषद्को बैठकमा प्रधानमन्त्री नेतन्याहुले लेबनानमा पेजर आक्रमणको आदेश आफूले दिएको बताएको उनका प्रवक्ता ओमर दोस्तीले समाचार एजेन्सी एएफपीलाई बताएका छन् । यद्यपि, आक्रमणको विस्तृत जानकारी दिइएको छैन ।

पेजर आक्रमणबाट तीन हजारभन्दा बढी घाइते भएका थिए ।

एजेन्सीहरूको सहयोगमा ।