काठमाडौं । नेपालका लागि चांगानको आधिकारिक विक्रेता एमएडब्लू वृद्धिले लुम्बिनी प्रदेशको बुटवलमा दिपल ईभी सार्वजनिक गरेको छ । आइतबार बुटवलमा कम्पनीले एक कार्यक्रमको आयोजना गर्दै दिपल एस०७ र एल०७ ईभी सार्वजनिक गरेको हो ।

कार्यक्रममा बुटवल उपमहानगरपालिका प्रमुख खेलराज पाण्डेय, बुटवल उद्योग वाणिज्य संघका अध्यक्ष हरि अर्याल, भैरहवा उद्योग वाणिज्य संघका अध्यक्ष ठाकुर श्रेष्ठ, एमएडब्लू वृद्धिका सीईओ जोजु जोस थाटिल लगायतको उपस्थिति थियो । कम्पनीले दिपल ईभीलाई फ्युचरिस्टिक डिजाइन र कटिंग एज टेक्नोलोजीले भरिएको गाडी भनेको छ ।

दिपल ईभी सार्वजनिक गर्दै बुटवल उपमहानगरपालिकाका प्रमुख पाण्डेयले बिक्रीपछिको सेवा र ग्राहक सन्तुष्टिलाई प्राथमिकतामा राख्नुपर्ने बताए । बुटवलका लागि चांगानको डिलर जेनोस मोटर्सका प्रबन्ध निर्देशक क्षेत्रकुमार श्रेष्ठले दिपल ब्रान्डलाई लिएर आफू निकै उत्साहित रहेको बताए । 

चीनको सबैभन्दा पुरानो अटोमोबाइल कम्पनी चांगानको १६२ वर्ष लामो विरासत छ । ६ महिनाअघि नेपालमा सार्वजनिक भएको दिपल ईभी अहिलेसम्ममा ६ सयभन्दा बढी बिक्री भएका छन् ।

दिपलमा वेलकम सिट, सनफ्लावर टचस्क्रिन, अग्मेन्टेड रियालिटी हेडअप डिस्प्ले, जेस्चर कन्ट्रोल, हेडरेड र आउट डोर स्पिकरलगायत १५ भन्दा बढी फस्ट टाइम फिचर छन् ।

एमएडब्लू वृद्धिले कात्तिक २७ गतेबाट बुटवलमा लुम्बिनी प्रदेशकै सबैभन्दा ठूलो एक्सचेन्ज एन्ड टेस्ट ड्राइभ क्याम्पको आयोजना गर्दै छ । बुटवलको क्लब डेनोभोमा आयोजना हुने कार्यक्रममा ग्राहकले दिपल ईभी प्रिबजेट मूल्यमा, सेरेस ४५ लाख ४९ हजार रुपैयाँमा र नामी ईभीको खरिदमा सात किलोवाटको चार्जर निःशुल्क पाउने कम्पनीले जनाएको छ । ग्राहकले तीनवटा रिकन्डिसन हाउसबाट बेस्ट भ्यालुएसन र एक्सचेन्ज बोनस पनि पाउने कम्पनीले जनाएको छ ।